Vegvisar Marthe

Marthe Amanda Vannebo var døropnar og fødselshjelpar i Toronto. Ho har elleve år bak seg med Daniel Lanois.

Daniel Lanois har akkurat sendt over Skodde til Studio Intim! Fotograf Geir Sundstøl.

Bakgrunnen for at me fekk møte Daniel Lanois, er den musikkinteresserte fotojournalisten Marthe Amanda Vannebo frå Overhalla i Namdalen i Nord-Trøndelag. Vannebo har vore tilsett i Namdalsavisa, Bergens Tidende og Adressa. Ho har frilansa for ei røys med aviser og publikasjonar, inkludert franske Le Monde, og i Klassekampen har ho nok vore mest. Vannebo har laga mengder av bok- og platecover, og portrett.

I elleve år har Marthe reist mellom Norge og artisten og produsenter Daniel Lanois i Canada. Vannebo er i crewet, som fotograf, ho lagar platecover, kampanjemateriell, deltek live med visuell scenekunst - som kameraoperatør, turneleiar, sjåfør, merch-ansvarleg, some-ansvarleg. Til og med booking har Vannebo arbeidd med for Lanois.

Marthe i aksjon med kamera på scenen med Lanois.