Vegvisar Marthe

Marthe Amanda Vannebo er døropnar og fødselshjelpar i Toronto. Ho har tolv år bak seg med Daniel Lanois.

Bakgrunnen for at me fekk møte Daniel Lanois, er den musikkinteresserte fotojournalisten Marthe Amanda Vannebo frå Overhalla i Namdalen i Nord-Trøndelag. Vannebo har vore tilsett i Namdalsavisa, Bergens Tidende og Adressa. Ho har frilansa for ei røys med aviser og publikasjonar, inkludert franske Le Monde, og i Klassekampen har ho nok vore mest. Vannnebo har laga mengder av bok og platecover og portrett.

I tolv år har Marthe reist mellom Norge og Lanois i Canada. Der er ho i crewet til artisten og produsenten; som fotograf, lagar platecover, kampanjemateriale, deltek live med visuell scenekunst, som kameraoperatør, turneleiar, sjåfør, merch-ansvarleg, some-ansvarleg. Til og med booking har Vannebo arbeidd med for Lanois.

At your service

Sommaren 2025 spelte Vannebo av delar og demos frå Velkomen Skodde til Lanois i bilen. Ho og Lanois turnerte då i Canada. Etterpå sendte Lanois melding til meg og skreiv han ville spela pedalsteel på nokre sangar. “I am at your service”, skreiv Lanois til meg. Eg hugsar eg akkurat hadde gått av scenen på Øya 2025. Då eg opna telefonen, og las meldinga, var det vanskeleg på tru på. Etter sms-sjokket, laga produsent Geir Sundstøl og eg plass til pedalsteel på fire sangar på plata, og sendte til Canada.

Moonlight

Så vart det stille frå Toronto ei tid. Før Marthe kunne melde at Lanois heller ville arbeide berre på ein sang, nemleg Skodde. Han såg dei andre som ferdige, sa han. Så etter eit par viku i studio med Skodde, kunne Lanois melde til Marthe. “I found my way in”. Lanois tok vare på sangen min, og ein nylongitar i opptaket. Alt anna ville han laga og legge på nytt; bass, shaker, dubs, piano, pedalsteel, atmosfæriske dubs. Så han regelrett spelte og produserte det heile på nytt. Etter nokre veker fekk me sendt heim Skodde, ferdig miksa og mastra. Slik, akkurat slik, ville han ha det.